تجي بسمتك في البال وتفز لك الاضلاع حمد البريدي قصائد مكتوبة
تجي بسمتك في البال وتفز لك الاضلاع
ترفق بروحٍ في محياك مطمعها
لقربك سبقني شوقي اللي لا شافك ضاع
ولحظات عمري دامها معك .. ضيعها
تمكنت من روحي وماخذ ثلاث ارباع
بقى ربع واحد وانت حاكم مرابعها
يا ليت الظروف اللي تحدك لها مِقراع
ما تاخذ دروبك عن دروبي وتمنعها
احبّ آتامل صورتك في خيالٍ جاع
مع انه خيالي بس .. عيا لا يشبعها
تذكرني اللهفه .. ويقتلني الذعذاع
لا هب الهوى من صوب دارك ومرتعها
على اغنية ( لبيه يا بو عيون وساع )
انا ما طرى لي غير عينك وانا اسمعها