توي عرفت – مبارك الحجيلان
اذا الوفا ماله شيمه وتقدير
أجل صداقة عمر وش علمتني
وان كان قوتكم مصالح وتشهير
تاكدو في ضعفكم حسستني
توي عرفت إن الليالي المعاسير
تكشف لي وجيهٍ مشت وتركتني
وتوي عرفت إن الليالي المعاسير
تظهر لي اللي فالشدايد حمتني
وان الردي يقلب عشان الدنانير
وان الجمايل بالعفون انكبتني
وان الولي لا من كتب شي بيصير
غصب عن اشكال قبل حاربتني
بشيل حملي والمعارك تياسير
وأببتسم قدامها .. لا صدمتني
متني امضرى للحمل والمشاوير
والحمل لو يثقل يبي يشيل متني
