جربت معك الطيب مافاد وياك …
الطيب ماينفع مع اهل اللكاعه
ان جيتني من هناك جيتك من هناك
عندي على كل الدروب استطاعه
ولانيب قايل ويش غيرك وش جاك
ماجاك غير ابشر وسمع وطاعه
غرك غلاك وكثر لبيه خلاك
تحسب قلوب الناس عندك بضاعه
كبرت ماني بصاحبك الاولي ذاك
راح الشباب اللي تبي واندفاعه
اول لمنك ازعلتني طحت لرضاك
لني محب وفالمحبه طماعه
ولازلت احبك لكن ابخص سواياك
ودتني الخبره حدود القناعه
تذكرني اتذكرك تنساني انساك
للوصل وصل وللقطاعه قطاعه
