قصيدة جنت قبلك مزاجيه – شهد الشمري لزوجها فهد
جنت قبلك مزاجيه
طاير واهسي وماشوف
اي شي مختلف بيه
لك ما اعرف شنو الخلاك
اذا اهملك تحسسني باهميه
ولان وياك كلي عيوب
متكسر خاطري ومتضوج
جنت تكلي ما احب المثاليه
جنت ما اريد اضل وياك
وتنضاف لتجارب فاشله هوايه
من اكلك زعلتني وعوفني لوحدي
تعاند تبقى ويايه
شكرا على اليمج اني لتخافين
جنت محتاجه اسمع هاي لحجايه
شكرا لان حبك جان صدكي وياي
بوكت حتى المشاعر مصلحه وغايه
شكرا يالصرت للروح اقرب من المرايه
يالمعلمني احب ذاتي
حبك احلى شي صار وياي
تعويض لخساراتي
خليت السواد الجوه عيني يروح
رجعت ابتساماتي
قبل حتى الضحك مو صدك
لا تعويد
ابشرك هسه من كل قلبي ضحكاتي
وبديت انسى المفبرك من علاقاتي
وبديت انطي دليت لذيج دمعاتي
احبك وانت ما تعرف تحب غيري
كبل جنت انشغل عنك وبس الكاك
بس اضحك بوجهك تنسى تقصيري
انت هواي غيرت بقناعاتي
وعرفت شلون تفهمني
وتغير حتى تفكيري
قبل شكلك احب عقلك وتفكيرك
احس بس انت تفهمني
وواضح بيه تاثيرك
وافقد قدرة التعبير
من احجي الشخص غيرك
حبيتك لان شفتك تحب تاخذ برايي
بابسط الاشياء
لك احلى من اهتمامك جان تقديرك
مرات الرزق احساس اعيشه وياك
لك هاي الراحه من خيرك
