حبني لعنبا كل الظروف الشحيحه حمد البريدي قصائد مكتوبة
حبني .. لعنبا كل الظروف الشحيحه
ودي اطوي المسافه لا ابعدت نازحتها
واخذني .. جعل تفداك الوجيه المليحه
ودي اشوف دارك واحتضن لايحتها
انت ما يشبهك غير ( الخزاما وريحه )
وانت طب الجروح اللي عيونك محتها
وانت الاسم الثلاثي .. كل ليل وصبيحه
وانت كل الحياه اللي شعوري نحتها
امش بين الضلوع وسج من كل طيحه
لين نقرا .. على كف الغلا فاتحتها
حطني وجهةٍ لك .. في الدروب النزيحه
واعتبرني يدينك لا بغت واجنحتها
صدرك ان ضاق مره فوق الارض الفسيحه
العذر والسموحة .. واعرف اني تحتها