راجع تصير انسان آسف وندمان – سعود بن منذر قصائد مكتوبة كاملة
واليوم جيت تقول آسف وغلطان
وان الحياه اللي بلا حب مرّه
راجع تصير انسان آسف وندمان
شوقه وصل آخر حدود المجره
قبل الندم ياليت لو تصبح انسان
عنده مشاعر بالهوى مستمره
يكفي تركت الورد ضامي وذبلان
يكفي صبر قلبي ويكفيه حرّه
أرحل بعيد هناك ياجرح الأزمان
ماتنفع الرجعه وجوّ التشره
روّحت عني وأنت مذنب وخوان
وأنا تحملت الجفا ألف مره
كنت أحسبني في قطاعتك خسران
وأثر السنين اللي معك لي مضره
خليتني .. غرقان في بحر الاحزان
وخليتني في هم هجرك وشره!
واليوم جيت تقول اسف وغلطان
وان الحياه اللي بلا حب مرّه
أنسى العلاقه والغلا اللي قبل كان
مشاعري بعد الهجر مستقره
