راحت سنين من عمري – خضير هادي

خضير هادي

راحت سنين من عمري

وشلون راحت اني ما ادري

بس كلي وين كضيت هالمده

واجيت الحلو بهذا العمر عده

لو من وكت استقبلك

وانثر بقايا العمر الك

لكن اني مابيدي شي

والثلج خضر فوك ايدي

وانت سواد عيونك يعت روحي عت

واني بطرك كلبي وبقه من كلبي بت

ارجوك خليلك مسافه ابينه

مو شبر اكثر لا نطيح ثنينه

وصدكني ماخايف على نفسي عليك

انت بس تلمسني اموت ابين اديك

ثلج وتلوحه الشمس

وتدري اماره النفس

اتقربت خليك واكف في مكانك

وابتعد والله احس اني بحنانك

لا لتجبرني اجرحك بالكلام

وابتدي وياك صفحه من الخصام

مو سهل انت عليه

جرح عايش لسه بيه

وما تطيب

واني ماريدك تطيب

ابقه بين ضلوعي خنجر

وان جان ماترتاح افتر

كطع شمتريد كطع

واخذ كلشي ولا ترجع

وبعثر بروحي

واني خليني اجمع

لكن اترجاك تسمع كلمتي

العمر مثل القطار

ولا تظن ارجع فتي

والمحطات انتهت مابيها راحه

وخلي احاجيك وبوضوح وكل صراحه

الناس كلمن ملتهي وحاضن جراحه

وانت جاي تكطع بعاكول صدري

راحت سنين من عمري