قصيدة رفيقة الدرب للشاعر مبارك الحجيلان مكتوبة
رفيقة الدرب ،،،، وش عندك خذاك الغياب
القلب ماهو على خبرك ضحوك ورحيب
،
،
أصارع البعد واوجاعه / عساه الذهاب
واحس حتى وانا من بين ربعي : غريب
،
،
ماعاد لي خلق متعومس ،، وكلي عذاب
رحتي وقامت همومي تصطفق بالنحيب
،
،
وماعاد لي نفس وافتح للعلاقات باب
وانتي بعيده عن عيوني وحزني قريب !!
،
،
وشلون ياغلى من عروقي غديتي سراب
وانا احسبك كنتي بتبقين لين المشيب
،
،
أبي وصالك لأن الوصل سمح الجناب
والبعد لو جيت ابختصره بكلمه / كئيب
،
،
تعالي نكسر امفارقنا /// بكلمة عتاب
تعالي والظن عمره بالوفا : مايخيب
،
،
تعالي ماني بفاتح صفحةٍ من كتاب
ابفتح الكون لعيونك واكون الصحيب
،
،
تعالي نجلس نسولف يكفي الاغتراب
عن آخر الضيق وعلومه عن اول حبيب
،
،
مايروي الهالك الضميان / قطرة شراب
ولايشفي المنهك المرضان غلطة طبيب
،
،
ردي لقلبي و لاتقسين ،،،، يكفي غياب
أبيك لو كل هالعالم ،،،، وراك بتغيب
،
،
ردي لبيتك ترى بيتك ،،، حزين ومصاب
قولي لهم : هذي القسمه وهذا النصيب
،
