قصيدة كانها الفرقا ترى بتصير منا للشاعر سلمان بن خالد, قصائد مكتوبة
شايف اني لا علا صوت العوايق
واحد لامن غلت بالصوت غنا!
من يشوف ان اكثر الدنيا حدايق
مالحق شفه ولا اظنه تعبنا!
الطموح الغير له عده طرايق
والحظيظ اللي بعد ماجا تهنا!
ولا تغرك ضحكتي لاصرت رايق
والله ان الضيق لا عاينت منا!
سبة اللي كل ماراح متضايق,
جيته برجلي اقول اطلب تمنى
يا حبيبي احسب حساب الدقايق
واترك اللي قاله العشاق عنا!
مشكلة بعض الخلايق فالخلايق
ومشكلتنا لو نشوف شوي حنا!
كلمة فيها كثير من الحقايق
كانها الفرقا .. ترى بتصير منا.
