طفولية المبسم – حمد البريدي قصائد مكتوبة
من ايام .. وانا غير عن باقي الايام
ياليت الشعور بزر واحاول ايقافه
انا كيف بوصف شي ما تقدر الاقلام
عليه ولو استوصوا بساحر وعرافه
ما يخطر على قلوب البشر شي فيها دام
بحر عينها يغرق به اللي على ضفافه
طفولية المبسم .. ما عدت ثلاث اعوام
سيوفية الخشم .. المجرد لسيافه
زجاجية الروح .. وكريمة وبنت اكرام
رجولية المبدا .. على الصعب واعرافه
بدائية الحسن .. بجمال قديم وتام
عروبية المنسب .. بجد وميقافه
تلحف سواد الليل رمش العيون ونام
بوجه يعيش الصبح لو تظهر اطرافه
لو الملحد يشوف الحلا ذا دخل الاسلام
ووحد برب يخلق الخلق باوصافه
