قصيدة في نهار العيد للشاعر حمد البريدي, قصائد مكتوبة
عاد عيد الشوق واشواقي تكلم!
عن غلاك وكيف احبك واهتويتك
مدري والله علم ولا انا اتحلم
ما تروع قلبي الا يوم ريتك
ودي اسولف عن شعوري واعلم
انك اغلى من على الدنيا لقيتك
فدوتك قلب من جروحه تالم
دامني من بد خلق الله بغيتك
كيف تظلمني , وتاتيني تظلم!
يوم روحي لك , ويوم القلب بيتك
لا تحفاني ولا ودي تسلم!
شوفة عيونك تكفيني لاجيتك
في نهار العيد لو غيرك معلم
لا تناسا من وعدنا لا خليتك
لا انتهت خطبة صلاة العيد كلم
خلك اول صوت يعايدني فيدتك
