في وسط لندن والربع جوهم زان بدر الكبيح قصائد مكتوبة
في وسط لندن والربع جوهم زان !
اي حاجة لامن بغوها .. لقوها
غيم وضباب وكوب شاهي و فنجان!
قهوه ، جميله مثل من قدموها
وحولك مباني رفعوها بإتقان !
كنها عروس به عرسها زينوها
وتمرك اللى تعتبر.. أخطر
ادمان !
ما في مصحه تنقذ اللى ادمنوها
تربط لسانك لوه لسان لقمان !
وما ترمش عيونك اذا طالعوها
متبختره ..كل شي قدامها هان !
كن الشوارع بإسمها بنت ابوها
تجنن الصاحين وتصحي الجان !
وتفتن عيون العالم ولا قتنوها
من حسنها .. اللى منه توزع احسان !
على الاماكن لاعبرت .. اشكروها
كنها تسوي للمحلات اعلان !
في كل محل تدخله .. لحقوها
يفدونها ناس تودد علشان !
المصلحه اللى لا قضت .. اجحدوها
اللي تعبى جربة شقها بان !
تبا تموت من العطش .. ما ملوها
خلوني اسلى وادله بقدر الامكان !
في دار.. ما تلقى بشر عذربوها
لوان ما تسمع بها صوت الاذان !
لكن ربي وفق اللى بنوها
ترى العدل مصدر نجاحات الاوطان!
اي دار ما فيها عدل .. اهجروها
