قصائد مكتوبة طريق, يا ظبي للشاعر حمد البريدي
قصيدة طريق.. للشاعر : حمد البريدي
طريق والغربه لها عندي طريق
سافر وترحال السفر بدايته
يا راسمين الحلم باللون العتيق
حظيظ من يلقى بعمره غايته
احس بين ضلوعي العوج بحريق
ياليت جوفي ماهو بطفايته
المقبلات اللي على شوقي تويق
تضحك على جرح الليال الفايته
تبعدني الايام عنه .. واستفيق
حتى ولو ذكراه كانت بايته
ياليتني رسام وارسم لي طريق
على مشارف صاحبي .. نهابته
ـــــــــــــــــــــــــــــــــــــــ
ـــــــــــــــــــــــــــــــــــــــ
قصيدة يا ظبي للشاعر : حمد البريدي
يا ظبي .. يا ظبي الدماثه والعدامه
انتي امتليتي بالغنج وانا صريح
كنت اتمنى مثل زولش كل عام
وتمرني الازوال لكني نزيح
الين جيتي وابتدا ليل الهيام
برمش العيون اللي على خدش سبيح
خلاص من بعدش وقف كل الكلام
وكل الحلا قبلش من عيوني يطيح
حتى ولو كنتي مسيحية غرام
قلبي على فتنة مظاليلش مسيح
الهجر في ملة هل السنه حرام
وين الوصل يا فتنة الوجه المليح
