قصيدة أنت الوحيد للشاعر ناصر الوبير أنت الوحيد قصائد مكتوبة كاملة
محتاج أسمع لك حكاية طويله
لجل تسولف لي وأنا فيك ساهي
وأسافر بحلو الكلام وسبيلة
واضحك معك وأصلا أنا معك فاهي
وأتأمل عيونك ويا هي جميلة
وتقول خلك من عيوني كماهي
وشفيك ماتركز معي كل ليله
واضحك واجاوبك بغرور وتباهي
تدري شسبب ان السوالف وسيله؟
واللي مخليني عن الناس لاهي
على كثر ماشفت حاجة جميلة
إنت الوحيد اللي تشد إنتباهي ㅤ
