قصيدة اتذكرك وابتسم حمد البريدي قصائد مكتوبة كاملة
اتذكرك وابتسم يا اغلى واحب القلوب!
يا داي ودواي يا فكري وقوميته
انا البسيط الغريب اللي بحبك يذوب!
اثرت في نفسه وغيرت شخصيته
ملامحي من قسا الايام فيها شحوب!
كني سجين وتأمل فيك حريته
يمر وجهك علي لاجيت بعض الدروب!
واقول يا مرحبا بوجهك وماريته
ان مر طاريك فز الشوق من كل صوب!
وان جيت بارد ظلالك نمت في فيته
تصدق .. اني ليا اشتقتك نطحت الهبوب!
ورحبت بك كنك اللي مقبل بجيته
يا اصدق الناس جرحك فالمحاني كذوب!
ما اصدق الجرح لو ليل الشقا بيته
محبتك حرب وانا اللي يخوض الحروب!
اما بسيف الغلا ولا بجنبيته
ان غبت معذور وان عودت لي يا عذوب!
لبيه ,, يا اغلى بني ادم وذريته
