قصيدة السوبر التوب شريان الديحاني قصائد مكتوبة
كل الشعور اللي من العام مكتوب
نفس الشعور اللي يجاوب سؤالي!
كم شاعرن في صوب والشعر في صوب
فعوله تخليه شاعر.. وغالي
وكم شاعرن لو عذّب بشعره قلوب
ما احترم أسمه إذا مر بالي
ياحلوها لاصرت مبدع، محبوب
واشوف حب الناس دايم قبالي
وانا احمدلله.. لي منهاج.. واسلوب
ماقدّم الشهره على شخص غالي
مغصوب أقول الحق, اما أنت مغصوب
إنّك تذم أسمي وانا عنك سالي
فنجان عدواني على الارض مشروب
واسمي سمّوه بالميادين عالي
ماجيت مع شلّه.. ولا عندي قروب
جيت بشعور الشعر .. فارق لحالي
عذربني اللي ما لقى في عذروب
جيته بوجه.. وذمّني في ظلالي
وعذربني اللي ممتلي كله عيوب
مشغول فيني! هو ماله ومالي؟
لو ما أعترف ب اني انا السوبر التوب
نفسه تسولف له عن الصدق تالي
لكن على كل حال.. وفلان مغلوب
مالومه ان يدعي علي بزوالي
ونفس السوال اللي من العام مكتوب
هو الشعور اللي يهمّش سؤالي
