قصيدة انا ولد عود للشاعر حمد البريدي قصائد مكتوبة كاملة
انا ولد عود .. تساق البشاير!
لا شيف له في دروب وان راح ديره
علمني ان الطيب طيب الضماير!
وعلمني ان ايامنا مستديره
وعلمني الطاعه وقدر الشعاير!
ولا خير فاللي ما حمياه غيره
نعدي الزله ,, نحاول نساير!
دام الكسور تفيد فيها الجبيره
وللصبر حد .. وللمواقف ذخاير!
وياقل منهم فالشدايد ذخيره
لو تنجب العشره بطون الحراير!
لا طاب واحد لا تفكر بغيره
ياصاحبي حتى لو الجرح جاير!
انا على حطة يدك والستيره
مابين وصلك والجفا صرت اخاير!
واحيان اقول في تالي الامر خيره
اشبه شعور اللي بيقطع زقاير!
وكل مره يقول الزقاره الاخيره
