قصيدة بعد إذنك للشاعر حمد البريدي, قصائد مكتوبة
بعد اذنك وماني على اذنك لحوح
لاشك به طاري على بالي طرى
اللي يبوح يبوح لكن ما ابوح
انا كذا .. لا من سمع لا من درى
اعرض عن الجاهل ولا احب المدوح
ما احب غير اللي على ربعه ذرى
لي راي لي موقف ولكني سموح
واحيان ما اسامح ابد مهما جرى
ماني بغامض بس ما احب الوضوح
في ذا الزمن كلمن على همه سرى
جرح الجسد ياخذ له ايام وبيروح
لكن على الله ماحن نرجع ورى
لو تبري حروح الوفا لزقة جروح
ما كان شفت الجرح عاده ما برى
