قصيدة بعض العلاقات للشاعر مبارك الحجيلان قصائد مكتوبة
كتمت مافيّ ،،،، لو فيني / سعاير جمر
من خوف لاازعّل احبابي وافرّح اعداي
مرارة الكتم نبلعها ،،،،، لأن الأمرْ
إليا انكشف حزني للعالم / وبيّن خفاي
وأخس حاجه على قلبي ثقيله / تمر
كلمه مواساه من شخصٍ ،، تنكر عطاي
واللي كسر بي وأنا وياه / عشرة عمر
مابيه هالحين لو جاني / بيطلب رضاي
واللي يتكلم فلا اعده ،،،، بموتٍ حمر
هو ماتكلم وراي ،،،، الا عشانه وراي
بعض العلاقات مانرجي وراها ،،،، ثمر
ناسٍ ماتحمل وفا الخوه ماهم باخوياي
وبعض العلاقات لاجاتك تجي وتعمر
ويبقى غلاهم غلا اخواني وأعز اصدقاي
ماني مع اللي ليا جات المصالح / طمر
أنا مع اللي بحزات الشدايد ،،،، معاي
صابر والاحلام عيّت / وش بقى بالعمر
الظاهر الحظ بعده : ماعرف مستواي
تركت كل الأمر ،،،، للي بيديه الأمر
وبأذنه تبي تلفي الغيمه وتمطر سماي
