قصيدة تمهلتك شريان الديحاني قصائد جديدة مكتوبة كاملة
تمهلتك.. قبل لافكّر آكنّك!
شعور الشوق مامرّ و تعدّاني
انا ادمنت كل حاجه معك لنّك
بعدك الوقت مايسأل عن احزاني
ابيك لـ آخر الدنيا.. وابي منّك
تبيني مثل ماحبّك.. على شاني
حياتي من عرفتك.. كلّها عنّك
كتمتك سر، بس الناس تقراني
على عيوني قصيد وبصمته فنّك
شعر ودّا قصيدي.. بس خلاني
اخاف من القدر وياك.. واحنّك
حبيبي واللي بقلبي على لساني
نعم ببقى مثل ما انا.. على ظنّك
انا كلّك.. وماني نصفك الثاني.
