قصيدة جدول ايامي حمد البريدي

قصيدة جدول ايامي حمد البريدي قصائد مكتوبة كاملة

جدول ايامي .. بلا جدول واعيش بنوبه!
من شعور ومن ذنوب ومن غرور وتوبه

دام جيتي في طريقي فاخدميني خدمه!
ردي الوجهي بقايا الضحكه المسلوبه

احجيات الروح .. ماكل البشر تفهمها!
وانا واحد له هواه ورغبته واسلوبه

اعرفيني .. لو انا احيان ما اعرفني!
وانقذيني .. واصبحي انتي لي المحبوبه!

قالت : اوعدني تقول الصدق .. قلت الواقع!
الحياه الصادقه تخلق من الاكذوبه

قالت : الدنيا بعينك كيف .. قلت : الخالق!
جمل الدنيا ولكن الاخره مطلوبه

قالت : انواع البشر وش هي وقلت اكرمهم!
من لبس عقله مثل ماهو بلابس ثوبه

قالت : اجوبتك غريبه قلت : مدري لكن!
الاكيد ان الحياه من الفكر منصوبه

حبوا العالم وعافوا .. واختصار الحاصل!
نصفهم يائس وباقي النصف في غيبوبه