قصيدة رفيقي الغالي والايام مبارك الحجيلان قصائد جديدة مكتوبة
رفيقي الغالي والايام ،،،، قدام
أزعلتني ،،، وأشعلت فيني وقايد
يحز في نفسي معك ذيك الاعوام
اللي قضيناها ،،، بضحك وقصايد
لاتفرح بوضعك ترى سود الايام
بكره إليا دارت / تشوف النكايد
خسرت لك غالين وارجالٍ احشام
ومن اولٍ لاضقت / كانو سنايد
تقول أنا مشغول / والعالم زحام
وتوعد ولابه من وعودك / فوايد
أهديتني نور الأمل / لكن أوهام !!!
وكذبك عليّ يشبه لكذب الجرايد
أنا حسبتك بالشدايد لي حزام
وأثرك مع اول ريح وقت الشدايد !!
عيب الرفيق يجيك / ويرد منضام
والله ،، ماهي من سلوم ،، وعوايد
وعندي نصيحه من قبل عينك تنام
راجع ملفك / لحتضنت الوسايد
وتأكد الدنيا ،،،، محطات وأرقام
وإن الوفا والمرجله / شي كايد
