قصيدة ساعة وصل سلطان ال شريد قصائد مكتوبة كاملة
يا غايبه حني على قلب خلك وجامليه!
احساسها المفعم تهاون لين ما حسه ذبل
لا تتركينه للضروف القاسيه تقسي عليه ..
شل الحمول اللي عجز يشلها ظهر الجمل
حنى عليه .. وداري الخاطر شوفي اللي يبيه
ماهو طالب مستحيل اللي يبيه منك وصل
قدله ثمان شهور وهو يمطر مراسيلك تجيه
ماسك حبال الوصل ولكن لا وصال ولا حبل
محتاجلك من عقب غيبه قرب من غير ليه!
ترا الوصل عند احتياج الشخص شيء من نبل
عجز يدور من ضروف الوقت منهو يحتويه
لا يا سحاب الوصل وقف عند صدره ونهمل
شاعرك هام في كل وادي يدور المثلك شبيه!
عجز يدور واحد من الاربعين وما حصل
قولولي لو كان الوصل يشترا تراني بشتريه
لو كان ابيع العمر كله في رجا ساعة وصل.
