قصيدة شعور الارض للشاعر سعد علوش قصائد مكتوبة شعور الارض كاملة
شعور الارض الي بها محراب
وشعور ماتتخيله .. ثاني
الأمهات الي ورا الأبواب
شعورهم ل انتظرو العاني
اغلا العيال الي من الغياب
شعور وجداني ب وجداني
مثل المراضى الي بدون عتاب
شعور حيل انساني .. انساني
هذا شعوري فيك يالمنساب
في عقلي وروحي وشرياني
وانت الزعول الطاغي الغلاب
الطاعن المتداري الحاني
تمد لي ورده وشلفا ذياب
جاني وانا اقبل منك ماجاني
واقول في نفسي وش الأسباب
والقاك فيها بس ما القاني
أطير لامنك رضيت أسراب
واليا زعلت اطيح وحداني
الين جفت من جفاك اهداب
ولحق جفاف اهدابي اجفاني
من حرّض النجمه تصير شهاب
حرّض علي قلبك .. وعاداني
الدمع ماهو غير حزن وذاب
ماهو بنازل قبل يرقاني
بتشوف من بعدي كثير احباب
بتشوفهم وتعرف حرماني
ماراح تفتح في جفاي كتاب
وماراح تسمع بعدي أغاني
وماراح تركض ل انضرب لك باب
بتمشي الهوينا لانك تعاني
بنساك لاميّس ولا طلاب
لكن ما اضنك بتنساني
اذا تعاشق صادق وكذاب
به واحد بيقضي على الثاني
