قصيدة غيمه تنادي للشاعر شريان الديحاني غيمه تنادي قصائد شريان الديحاني مكتوبة كاملة
البادي أظلَم في جميع المبادي!
إغلط! وانا عن زلّتك دوم مسؤول ͏
͏
ناديتني.. وانت ب سماك السيادي
تمطر عليّ.. من غير لاقول وتقول ͏
مو مشكله لاشفت غيمه تنادي
المشكله لاصار ماعندي حلول! ͏
͏
مابي أحلّك.. يامجمّل سوادي
اعشق ولاتسمّي وانا اقول واطول ͏
مرّو كثير بعين قلبي.. وعادي
الا أنت من مرّيت كم كنت مذهول! ͏
معقول أحبّك حب راقي.. وهادي
وانّي أحب ب طيش! ماهو بمعقول ͏
اللي يحبّك.. مايفكّر يعادي
يرضى على كل الأوادم ومقبول ͏
͏ طار الكلام.. وكل غيمه تنادي
بعض الحكي ينشاف لو كنت ماقول
͏
أنت الشعور.. اللي يطمّن فؤادي
وانت الحياة اللي أبيها على طول
