قصيدة لك يلتفت قلب حمد البريدي

قصيدة لك يلتفت قلب للشاعر حمد البريدي قصائد مكتوبة كاملة

لك يلتفت قلب .. ويماري عليك الضمير!
لو صاحب القلب ماله فالدروب التفات

اود ودك واود العمر فيك انت .. غير!
انا قديم المشاعر ياقديم الصفات

ياما تمنيت وصلك بس ماهو يصير!
قلت اتمناك تبعد .. واعكس الامنيات

ان جابك الحظ ولا ما لحظي نصير!
يجيبك الشوق لا بعثر هواك الشتات

تدري عشان اتأمل وجهك المستنير!
احتاج فوق الحياة اللي بقربك حياة

تذكر اني ابيك الاولي .. والاخير!
وان الظروف العصيبه زودتني ثبات

احبك احبك احبك احبك .. كثير!
محبة ما توصفها جميع .. اللغات

لاضاقت اربع جهاتك فاعتبرني مصير!
انا جهه خامسه من غير الاربع جهات