قصيدة له بسمةٍ للشاعر حمد البريدي قصائد مكتوبة
ماهو بزين وخلاص .. الا خذا كل زين
وماني بحبه فقط .. محبته فايقه
جمل بعيني حياه وصار كل السنين
لحظاته اشيائه .. وضحكاته الرايقه
حدايق الارض يوم يمرها تستزين
حتى غيوم السماء لمعانقه وايقه
خذا من السيف خشم وخذ من الحر عين
عليه كل الوصوف الندر الايقه
احبه .. اي والله احبه بصدق ويقين
ابغيه .. ابغيه رغم ظروفه العايقه
له بسمةٍ .. لو يوزعها على العابرين
ما شفت وجهٍ حزين وعالمٍ ضايقه
