قصيدة ماصغرت وباقي بعيني كبير مبارك الحجيلان

قصيدة ماصغرت وباقي بعيني كبير مبارك الحجيلان قصائد مكتوبة كاملة

ماصغرت وباقي بعيني / كبير
لاحشا لله ،،، عمرك ماصغرت

لو تعاتبنا بنرجع ،،،، بالأخير
منت صابر وأنا مثلك ماصبرت

العتب والا الزعل / أمره يسير
عارف اللي فيك مثل اللي شعرت

عارفْك يااعذب من انسام العبير
لأن قلبك نبع طيبه / لانظرت

أنت عندي من جميع الناس غير
لو تغيب ولو تقاطعني / عذرت

إستريح / ولاتحاتي ،،، لاتغير
وإبتسم لي لو على بالك خطرت

ولو خذيت برجعتك وقتٍ كثير
خلني فالبال / كانك ماقدرت

شفت خوف العود للطفل الصغير
يشبه لخوفي عليك اليا انكسرت

وصاير احاتيك من قلب وضمير
مدري هذا شوق والا إني كبرت