قصيدة ماعاد يعنيني وجودك وفرقاك سعد المطرفي

قصيدة ماعاد يعنيني وجودك وفرقاك سعد المطرفي قصائد مكتوبة كاملة

راحت سنين العمر بضفاف ذكراك!
والرجل حفيت .. من رجواي سرابك

ماعاد يعنيني وجودك .. وفرقاك!
ان جيت وان ماجيت يامرحبا بك

صرت اضحك اني كيف كنت اتحراك!
كيف المطر عندي .. وادور سحابك

اللي جعلك بعيني اليوم .. وداك!
مشكلتك انك منت .. عامل حسابك

اوعدك ماني قايل ان رحت وش جاك!
وان جيت .. ماني قايل ويش جابك

واوعدك اذا ما جبت بالزين طرياك!
بالشين .. ما اسولف بحضرة جنابك

تدري وش اقسى شيء يحصل بدنياك
وتشوف به شيبك .. بزهرة شبابك!

ان العيون اللي فرحت يوم .. لقياك!
نفس العيون اللي فرحت في غيابك.