قصيدة من داخلي ميت عليك – ناصر الوبير

قصيدة من داخلي ميت عليك للشاعر ناصر الوبير قصائد مكتوبة كاملة

من يقول اني على الفرقى دخيل؟
من كلام الوصل ومصافح يديك

انجبرت اكون قدامك ثقيل!!
ولا انا من داخلي ميت عليك

ياخي .. افهم مابي غيرك بديل
ولا خسرت العالم الا اني ابيك

لا تعنيني .. لجل دمعي يسيل!
انت بس اشر وكل دمعي يجيك

غلطتك .. علمتني كيف الرحيل
وغلطتي .. علمتك اني مشتريك!!

منك احساسي غدى احساس هزيل
لا تلومه .. طول عمره يرتجيك

مايميل (الحب) لو سلمى تميل!!
ثابت .. بين الحنايا يحتريك

من يقول ان الخطا عندي سبيل
هو خطا واحد عسى الله يهديك

انجبرت اكون قدامك ثقيل!!
ولا انا من داخلي ميت عليك