هذاك يحلق شعره تقول حلزون قصائد مكتوبة
هذاك يحلق شعره تقول حلزون
وهذاك يصبغ شعره تقول سحابه
وهذاك بشري ساعة بنص مليون
والله لو انها ساعة الاستجابة
وتلقى اشهر الابيات ماهو بموزون
واكثر مشاهير التواصل زلابه
ويسحب عليك اللي تحسب انه مضمون
ويفزع لك اللي ما تحسب حسابه
ودك ان بعض الاحيان ماعندك عيون
ولا تشوف المجتمع ويش صابه
انا ادري ان لله في خلقه شؤون
من اكثر الخلق لجناح الذبابه
الله لا يخسف على عباده الكون
مره ولا ينزل عليهم عقابه
ولا يأخذنا على اللي يسوون
حنا ضعوف وما نتحمل عذابه