قصيدة ياصاحبي – مبارك الحجيلان, قصائد مكتوبة

قصيدة ياصاحبي للشاعر مبارك الحجيلان, قصائد مكتوبة Mubarak Hujailan

قصيدة ياصاحبي - مبارك الحجيلان
مبارك الحجيلان


الاهداء إلى كل إنسان يعاني من مشكله
فلابد من النهوض والسعي والأخذ 
بالاسباب وعدم اليأس والانفراجه من 
رب العالمين والارزاق مكتوبه من المولى

ياصاحبي /لاتنحني للغرابيل
ماغير ربك هالبشر / تنحي له

بهذلتك الدنيا / كبار البهاذيل
ومن شاف شيبك قال : واعزتيله

قم انتفض ياصاحبي واترك الليل
ترى السهر سم القلوب العليله

جلسه بليا فعل / موته وتنكيل
لاصرت جالس منت لاقي حصيله !!

انصى وروح وحلل الوضع تحليل
طليق وجه ولامشيت الرذيله

انصى الرفيق وعلمه بالتفاصيل
ولاخاب ظنك فيه ،،،، دوّر بديله

وفي حزة الصمله اتبان الاقاويل
من ينفض افعاله وينفض شليله

ووقت المواقف يفرقون الرياجيل
بين الكريم وبين ،،، يمناً بخيله

واللي يشوش وينقل الحمل ويشيل
هذا اللي ودك فوق راسك تشيله

وجه على النشمي وخل التماثيل
والطيب ماهو ورث لأية قبيله

والناس تسعالك برزق ومحاصيل
ولايكفلون الرزق / ربك كفيله