قصيدة ياناوي البعد مبارك الحجيلان

قصيدة ياناوي البعد مبارك الحجيلان قصائد مكتوبة كاملة

ياناوي البعد لو قفيت / ماهو مصير
روحي مهي في سجن واسعى لتحريرها

وشهوله أحرق لك اعصابي وانادي وأغير
نفسي اتحذرك ،،، ماتسمع محاذيرها

حولك اوجيهٍ كثيره دون قلب وضمير
تشوف ضحكاتها ،،، ماشفت تكشيرها

قدام وجهك من الفرحه ،، تقول بتطير
ووراك في سمعتك ،،، تضرب مساميرها

أنا نصحتك ،، أبيك تقوم ،، يومك كسير
هذي الصراحه من أولها ،، إلى أخيرها

ودامك تكابر ف خلك ليه اجل تستشير
بكره السواليف تكشف لك غطا بيرها

بكره ليا ضعت ماجنبك رفيق وشوير
تبي اتعرف كلمة الصادق / وتأثيرها

روحٍ قبل لاتعرفك / كم جفوها كثير
ماهي بعجزانه ،،، اتكمل مشاويرها