قصيدة قلها بلاش اتعذر للشاعر مبارك الحجيلان مكتوبة
قل برحل بصمت مايحتاج شي امعروف
لأنك إن قلت برحل صار ،،،،،، دمعك نهر
،
،
تمريرتك لي بالضحكه ،،، وكثر الحلوف
ماروقتني ،،،،، وسيف البعد قدمي شهر ،
،
قلها / بلاش اتعذر ،،، بالتعب والظروف
انا أعرف اللي يبي يرحل وهذا القهر !!
،
،
تدري متى صارلي قلبٍ لوصلك شغوف
من صار يومك اذا غبته بعيني ،،، شهر
،
،
ومن بعدها صارت الجيات جية ضيوف
علمني وشفيك وادفع لك سنيني مهر
،
،
قلها / ترى كثرة الاعذار ،،،، عيت تطوف
وترى اللي يخفيه قلبك في دقيقة ،،ظهر
،
،
من نبرة الصوت لامنّك ،، نطقت الحروف
ومن يوم عفت السهر // وانا نديم السهر
،
،
ومن شفت قاسي مردك يالحبيب العطوف
اكتبكْ وارسل لك ابياتي وترسل زهر !!!
،
،
قلها / ولو كلمة الفرقا ،، بها حرق جوف
لكن فراقك بليا اسباب ،،،،،،، كسرة ظهر
،
،
قلها / بحس بمرارتها ،،، وعيني تشوف
واوعدك يبقى قصيدي فيك طول الدهر
،
