كلمات اغنية كان حلم رولان
كلمات : الأمير عبدالله بن فيصل بن يزيد
الحان : وتر
ما أحس بيوم ابنسى كيف كنت و كيف كانت
نظرتك نبرة كلامك وانت تحكي عننا
وانت توصف لي مشاعر في عيونك حيل بانت
وانت تبني كل واقع كان حلم لـعيننا
ماتخيل غير شوفك وحالتك وش كثر عانت
مثل حالي ليت حالك تتفق مع ظننا
حلمي ان أيام عمري لو أضيق بيوم زانت
ويالله يا فرح الليالي بالأماني هننا
ليت بعض الناس يدري في ظنوني يوم خانت
كانت اقرب من خيالي بس صارت كننا
و ان حكينا مع بعضنا ننسى ان الدنيا شانت
و قلنا للحب الحقيقي هانت ربي يعيننا
النوايا لو تكفي كانها للجرح صانت
وذكرياتك للحقيقه صارت اقرب مننا
كل حاجه في زماني… قادر أنساها وهانت
إلا حب قد جمعنا .. ياحبيبي اثنيننا
