كلمات اغنية وياك ماجد المهندس
كلمات /انور المشيري
الحان واشراف /فايز السعيد
ويّاك وْانتي بدنيتـي يَ اجمل النـاس
أشوف كل شي حولي يـسمو مقـامه
عيناك عمري وْصوتِك إلروحي أنفاس
وْكلما إبـتسمتي إتصير أرضي غمامة
الله حبـاني إيّـاك تـاجٍ على الـراس
حُبِّك يْاكيف أوصِف مداه وْ غرامه ؟!
وإحساسي أرقى حتى من كلمة إحساس
وْفيك الفخامة ما بَعَدها فخـامة
إنتي الجمال اللي به الزين ينقاس
وإنتي القَوام اللي تـنـاغـَم قَـوامه
ما بين وَقفة حُـّرٍ وْ مَشية أفراس
وْمابين رِقَّـة عود ظبـي العـدامة
في مثلِك إنتي حَيَّ الارض اللي تنداس
يا قلب فـارِض ع الجميع إحترامه
تمشين وْحتى تْرابك بْعيني ألماس
وش عاد قَدرِك في خفوقي مقامه
زين وْمعاني وقلب مُفعَم وحسّاس
وْحِشمة وْنعومة زادوْ حِسنِك علامة
تِشبَهّها مِيزة وَجهِك إن قابل الناس
وْغمَّـازتـيـنـك شايـلـتـها إبتـسامة
يحفظْك إلٰهي وْيسعِدٍك دون مقياس
وْيْديمك بْـقلـبـي لِـيـوم القـيـامـة
وْتبقين ياخولة إنتي روحي والأنفاس
وآنا السعيد اللي إنتي حُبَّه وْ هِيامة
