كلمات شيلة شرهات الايام احمد الغامدي
كلمات : عطيه الحارثي
دمـعٍ تـعلق على اطراف الهدب قطره
مــقـيـده يـنـتـظـر لـحـظـة يـواسـيـني
يـويـق غـير الـوعد لـوطال بـه صـبره
تبقى عفيفه وراها رجل حاديني
تـواقـدت فــي خـفـوقي حـالة قـشره
تـنـادي الـمـاضي الـلـي قـلت نـاسيني
اسكنتها بـالـضمير الـحـي والـجـمره
لاقـبـل يـجـر الـهموم الـليل يمسيني
ياعين قدمتها طيب وغلا نظره
مردودها خير عند الناس يجزيني
احوال تمشي كذا وأحوال منحدره
اساير احساس غارقٍ في شراييني
كم صاحبٍ ممتلي بالصدق معتبره
طبعه تبدل تناسى بيننا سنيني
شرهات الايام فوق الحمل والقدره
اخفض حدود التوقع دون تبييني
لاتنتظر مقفيٍ خلاك تنتظره
اسمع لصوت الكرامه والله يعيني
اللوم كسر مجاديف الصبر حسره
يانفس خفى ظلام الضيق كاسيني
عـتمة تـقاسم شـعوري مـاخذه شطره
والـعمر يـمضي يـاليت الـيوم يعفيني
تـاهت مـعي خطوتي والروح منفطره
مـسجونها فـي قـصيدي مـع دواويني
لـمـلمتها فــي حـروفـي لـكـن الـكسره
انــي اشــوف الـوضع يـزداد يـكويني
هــذي مـحـطات حـلمي خـطها حـبره
ضـاعت مـابين الـبحور وبـين يـديني