لاقبلت يتسابق النور بخطاها – صلاح الرشيدي

لاقبلت يتسابق النور بخطاها – صلاح الرشيدي قصائد مكتوبة

لاقبلت يتسابق النور بخطاها
كنها براق مزنن جنوبية

ترعد المزنه بضحكة شفاياها
واتبلل من مزونن هواويه

صوتها المبحوح زايد حلاياها
مافتني بالحلاها غير نجدية

العيون وساع والرمش غطاها
ماحلا شوفة عيون الحياوية

المنافس في حلاها / مراياها
ماينافس زينها غيرها هيّه

بتهيل زينها واتقهواها
ماتهز يمناي فنجال برية

عطرها بنفاسها فاح بحكاها
ريح وردٍ قاطفه تو بيديه

زاهيه بخلاقها دون مبداها
ماخذه وصفين بالحسن والنيه

ولو شعاع الشمس سارق مسماها
صعب يقدر يسرق النور والفيّه

بنت شيخٍ عالي العز مرباها
ماهي فبنت العفن والفداوية

مير قلبي بلحكي راح وياها
اعتقيني ياليدين السنافية

والقصايد تنحني في محياها
حنية الخادم ليا شاف واليّه