لايهمك يالسنافي لايهمك – مبارك الحجيلان قصائد مكتوبة كاملة
لايهمك يالسنافي لايهمك
قادرٍ مثلك يجاريهم لحاله
انت طيبك والشهامه وسط دمك
وأنت محشومٍ عن هروج الحثاله
والله إنّ اللي تجرى وجا يذمك
فيه نقصٍ فالمراجل والعداله
ووالله إنّ اللي تعينه ثم يسمك
فاقدٍ طعم المروه والشكاله
هذا غصب عنه لا شافك يضمك
يومك اقربله بهمه من ظلاله
ناسي طيبك ووقفاتك وتمك
يومه استقوى تناسى ماجراله
بالشدايد كلهم عندك ويمك
كل من جاك تضحك له سهاله
لايهمك يالسنافي لايهمك
وادي ماحرك الغربي جباله
لاتضيق وحطهم في طرف كمك
ابتسم والمبتسم ياحي فاله
