لا تعتذر لي ترا الاعذار مسكينه – سعد علوش قصائد مكتوبة
لا تعتذر لي ترا الاعذار مسكينه ..
تلجأ لها الناس إذا ما فادت أخطآها
لو الخطاء فاد معك وطالت سنينه
بتخلي الاعذار وبتخليني معاها
لكن لله عدله في موازينه
يجازي الناس على اخر سواياها
والكلمه الزينه او الكلمه الشينه ..
حروف لو كان حنا ماجمعناها
ما تنحسب شينه وماتنحسب زينه
الا على قلب راعيها ومعناها
والغالي اللي اشوف الناس من عينه
بغى يكحل عيونه لكن اعماها
ردو عليه السلام وقولو لدينه
بعض الرسايل تموت اليا كتبناها
من اول افرح اليا رسلي
وهالحين امسحها رسايله
حتى قبل ما اقراها..
