لو يعرفون – سلمان بن خالد قصائد مكتوبة كاملة
لو يعرفون إن الوداعة وداعه
ماكان خلوك المشتت على ليه
ولو يعرفون إن المودع ضياعة
فأشياء كانت تسعده في لياليه
ولو يعرفون إن الكتابة شجاعة
وإن الشعر ممكن يخلي مخليه
إنسان ماعنده قيود ومناعة
يبكي علـ أشيا فالأصل ماتبكيه
ولا إنت يللي كل ماقلت راعه
قلبٍ كريم وجاك فاتح لِك يديه
أحتاج لِك حاجة صلاة الجماعة
وأتوق لِك توقي على الـ إيه للـ إيه
علمتني شد الأمل من ذراعه
وكرهتني في شي مدري شسميه
خليتني من منتقم من صراعه
إلى رَجُل حتى الدعا مايخليه
يا الله ترزق كِل زارع زراعة
تكفيه عن مده يمينه وتغنيه
وحده شعور إنك تضيع إندلاعه
هو الضياع إللي قبل لاتدانيه
تكره متى لازم تحب القطاعة
وتحب من تكره على شان غاليه
ياكرهني للجدولة والطباعة
وياحبني للشي من قبل لا اشريه
أشيا أسويها .. بليّا قناعة،
أحبها من شي أنا مقتنع فيه
دام الحياة الفانية ربع ساعة
لاحدٍ يحاججني على شي أسويه.
