معك واشتاق لك – حمد السعيد قصائد مكتوبة كاملة
معك واشتاق لك وشلون وآنا بعيد ؟
المشاعر ظوامي غصب تنساق لك
كل ما ابطت بك الأيام شوقي يزيد
شف جنون الغلا عقبك وأنا عاقلك
من يلوم الخفوق ان صار تواق لك
ريف قلبي ومرباعه وشوفتك عيد
صوتك عيونك شفاتك يدك عن لا ازيد
لكلك اشتاق لك وانت وشفيك متثاقلك
أحترق لك وله ولا أنكتب لك قصيد
والشعر كم تباهى كل ما راق لك
من وداعك ونظراتك رمتني وحيد
غربة شعور ياخي هالجفا لاق لك
ايه احبك واحبك هم احبك واعيد
وحالتي شسمها والقلب تواق لك
شوق ؟ لهفه ؟ وله ؟ دوّرت مابه جديد
ودّي ألقى كلام أكبر من أشتاق لك .
