هي كلمة وحده وتكفي .. تعبنا – مبارك الحجيلان قصائد مكتوبة
باقي انطق ولا بقول يا ذيب
هي كلمة وحده وتكفي .. تعبنا
من كل حاجة من كثير المطاليب
ومن الظروف اللي تثور غضبنا
انقسم الراتب .. بحكمه وترتيب
ويومين يقفي كننا ما حسبنا!!
اما يعرضنا شي ولا المواجيب
بس الوكاد ان العطا من سببنا
مالله وهبنا مثل من يحفظ الجيب
ونظام وفر مصرفك ما وهبنا!!
نعطي ولا نرجي وراها مكاسيب
واليوم فديون المصارف نشبنا!!
انجاهد الدنيا والايام تعذيب
ترقيع في ترقيع لين انكبنا
يا الله تعاونا نخدم الاصاحيب
ناس هقو بافعالنا واستجبنا
يا الله بمزنة خير عقب اللواهيب
وبشارة تفرح وتخلف تعبنا
