قصيدة وتبرد قهوتي احمد الردعان قصائد مكتوبة كاملة
وتبرد قهوتي وانا تناظر ساعتي عيني
ابد ما احتري موعد انا واجد علي صدفه
تاخر حيل انا خايف تناسى عطره يديني
ولهت اكثير انا شايف دواي اغفى على كتفه
أبي يأخذني بحضنه أنا حضنه يواسيني
وأبي يحلف معي يبقى وأبي يبقى على حلفه
بـ هالغرفه ياكم مره تخيّلته يناديني
وأفز أدوره لكن أنا ووهمي بـ هالغرفه
أعاتب صورته وأصرخ متى بتحنّ وتجيني
كأني منتظر من هالجماد يجاوب برأفه
أمر البيت يومياً أبي يهدى الوله فيني
أطق الباب وأتخبى وأنا عيني على الشرفه
أنا لا قالوا أصحابي أكيد إن غاب ناسيني
أواسي نفسي بـ كلمة معه عذره أنا أعرفه
أحبه حيل لا والله أنا أحسّه جزء فيني
أشارك كل تفاصيله فرح قلبه مع ضعفه
أنا متعوّد إنه من قسى وقتي يخبّيني
أنا منهو يخبّيني إذا هو شحّ في عطفه
هذاك اللي بضحكاته يموّتني و يحييني
هذاك اللي بنظراته لكل هذا الوجع صرفه
تخاصمنا مساء الجمعة و عزّم يخليني
سنة مرت ولا شرّف صباح السبت من عطفه
