وتقول احبك .. ؟ ياخي تكفى عشاني ، !!
لا تقول شي اكبر من إحساسك ، شفيك ؟
ㅤ
ㅤ
ㅤ
تعبت اشيلك ، ( بالضلوع ) المحاني ، ،!
تعبت من هذا الحزن .. وين اوديك ؟؟
ㅤ
ㅤ
ㅤ
طبيعي اسكت واخلق احساس ثاني
هزمتني .. لين ( انكسر ) قلب يغليك !
ㅤ
ㅤ
ㅤ
أحب فيك آحساسك الأولاني
يوم اهتمامك بالعلاقة محليك
ㅤ
ㅤ
ㅤ
تدري متى اشعر باني ذاك الاناني ؟
لا شفتهم عندي ( يجيبون ) طاريك !
ㅤ
ㅤ
ㅤ
اسكت .. ولا آسولف لهم عن حناني
ماودي حتى بالحكي نشترك فيك ، !
ㅤ
ㅤ
ㅤ
حب من ( طرف واحد ) لو انه كفاني
ما كانت جروحي بصدري تناديك ، !
ㅤ
ㅤ
ㅤ
ابسط حقوقي .. بالغلا و الأماني ، !
اني ( ليا حسّيت بالفقد الاقيك ) ، !!
ㅤ
ㅤ
ㅤ
تدري غيابك بالعمر وش عطاني ، ؟
صبر ًجميل ، ودمعتين ً تناديك ، ؟؟
ㅤ
ㅤ
ㅤ
وتقول ليش افارقك ، في زماني ، ؟
وتقول ليش أزعل وافارق واخليك ،؟
ㅤ
ㅤ
ㅤ
بالله تكفى .. حط نفسك مكاني ،،!
تقدر تحب إنسان مايفتكر فيك ،، ؟
ㅤ
