ياخذني اللي على شانه بديت الكلام – سلطان ال شريد

ياخذني اللي على شانه بديت الكلام – سلطان ال شريد قصائد مكتوبة كاملة

ياخذني اللي على شانه بديت الكلام
‏عن عالم الفوضوه وعن عالم الشوشره

‏واطير وياه فوق الارض لين الغمام
‏ما نربط الاحزمه ولا نقطع التذكره

‏من كثر ماني معه وصلت حد الهيام
‏اصبح شعوري معه ما يعرف السيطره

‏يعلم اللي ما يعرف وش كلام الغرام
‏وش يعني الحب لا منك جنيت ثمره

ويقوم الجالسين ويجلس الي قيام
‏ويخلي افكار خلق الله متبعثره

‏شاعرك في عيونك النجلا عليه الحرام
‏الشرح يصعب عليه ويعجز يعبره

كن صوتها عزف عود وصوت سجع الحمام
‏واتوه فيه صمتها اللي كل ليل اسمره !

‏يا عاذلين الهوا مني عليكم .. سلام !
‏حتى الخطا قبل لا يخطي علي اعذره

لاتقللون الملام وتكثرون الكلام
‏باب الملامه وعليها ربي مسكره .