ياللي تلوم الوقت وش ذنبه الوقت – رشيد الزلامي
يا للي تلوم الوقت وش ذنبه الوقت
يخطي ردي العرف / ويلوم وقته
غيرك بشر ذاقو من الوقت ما ذقت
وانت السبب في ما حصلك وذقته
العام يوم انصحك من كلمتي ضقت
واليوم هذا دربك اللي عشقته
( غزوة مهنا ) اللي بها ما توفقت
مدري سبقك الخير / ولا سبقته
لا تحسب انك في سما الكون حلقت
( تبطي عظم ) واللي تبي ما لحقته
ما دام في حبل الرخامه تعلقت !
أطبخ جليس السوء وأشرب مرقته
هذا الرفيق اللي بحبه توهقت
اللي مدحته / لين بشّت عرْقته
واليوم يوم انك عرفته وصدقت
العن ابليس ورجع اللي سرقته
