يامهلك انفاسي – فيصل العدواني قصائد مكتوبة كاملة
يامهلك انفاسي معك ومحملٍ روحي الاذا
بالله قلي ماخجلت ولاندى منك الجبين
معقول افعل لك كذا وانت تجازيني بكذا
يعني كذا صار الوفا بخسٍ بعد ماهو ثمين
ان قلتلي نبعد ترا رديتلك عادي واذا
تبعد اذنك بالاصل مبعد عن احساسي يقين
مفهوم تحليل الامور يستنزف الطاقه لذا
ماعد ادورلك عذر الزين زين الشين شين
الله ياوقتٍ مضى واستلهمك ريحة شذا
واليوم عهدك انطوى مابين طيات السنين
ماحذت حوذ اللي نجنا يومه نجا باللي حذا
كابرت بغلاطك معي !! ترا الكبر ماهو بزين
سايرت عدواني جهل شمت بي هذا وذا
وان كان هذا مافرح لاشك ذا كسبه ثمين
وأصبحت أدقق بالغرام وشهو عطا وشهو خذا
مني خذا ثم خذا و أمسيت به صفر اليدين
