صباح الخير يا أنثى جمالك صعب يتكرر ناصر الوبير قصائد مكتوبة
صباح الخير يا أنثى جمالك صعب يتكرر ..
صباح الخير والورد وتفاصيل الغلا بالدور
صباح الخير يا انثى جمالك صعب يتكرر
أحبك من صباح الخير لين آخر حدود النور
وأحبك من بدايات الظلام لآخره وأكثر
يا وجه النور وغصن الورد لا من غرد العصفور
رغم تقصيرك الا ان حبك بصدري معي يكبر
تخيل لو يجيبك هالصباح وورده المنثور
تخيل لو تجي جنبي وتجلس والسماء تمطر
ويطيح العقد في حضنك كأنه لولوً منثور
واجمعها وتشكرني تخيل روعة المنظر
صحيح اشتاق لك دايم وصدري ممتلي بشعور
ولكن هذي المره أنا مشتاق لك أكثر