قصيدة روحي بكيفك للشاعر شريان الديحاني قصائد مكتوبة
والله وصرتي تجهلين الوصل زين
والبعد جايزلك.. و واضح غبّني͏
روحي بكيفك.. بس بسال مع مين؟
مافيهم اللي ماخذ شوي منّي͏ ͏
قالو لك اني ما احبك؟ وبعدين؟
صدّقتي اللي قال اني واني͏ ͏
كم قلتلك لاتصدّقي حكيهم لين
رحتي وجاوبتي على من سألني͏ ͏
ليتك مثل ماكنت اسوي تسوين
ماصدّق اللي في غلاتك عذلني͏ ͏
كم كنت أحنّ إنّك لدربي تحنّين
احساس قلبي مايهم.. بس حنّي!͏ ͏
هذا وعد مني على شان تدرين
انك غلط من يوم ماخاب ظني ͏ ͏
كم كنت اتمنى واقول تمنّين؟
تمنّي الدنيا وانا معك.. لأنّي.. ͏ ͏
حققّتلك كل ماتمنّين والحين
نفقد مشاعرنا بليّا تمنّي
نامي.. وقولي للصباحات “أهلين”
وقولي “صباح الغير” لـ الصبح وإنّي.. ͏ ͏
سويت كل حاجه على شان تبقين
ماكان له داعي تروحين عنّي
